Class 8 Tamil திருக்குற்றாலக் குறவஞ்சி-Singi Petra Parisu

Q: சிங்கி பெற்ற பரிசு எந்த நூலிலிருந்து எடுக்கப்பட்டுள்ளது?

சிங்கி பெற்ற பரிசு என்னும் பாடப்பகுதி 96 வகைச் சிற்றிலக்கியங்களுள் ஒன்றான திருக்குற்றாலக் குறவஞ்சி நூலிலிருந்து எடுக்கப்பட்டுள்ளது.

Q: திரிகூட ராசப்பக் கவிராயர் பிறந்த ஊர் எது?

இவர் திருநெல்வேலி மாவட்டம் தென்காசிக்கு அருகிலுள்ள மேலகரம் என்னும் ஊரில் பிறந்தவர்.

TNPSC Group 2, 2A, மற்றும் Group 4 (VAO), TET போன்ற போட்டித் தேர்வில் பொதுத்தமிழ் அலகு VII: இலக்கியம், தமிழ் அறிஞர்களும், தமிழ்த்தொண்டும் பிரிவில் 15 கேள்விகள் கட்டாயம் இடம்பெறும். இதில் முழு மதிப்பெண் பெற தமிழ்ச் சான்றோர்கள் பற்றிய செய்திகள் மற்றும் 96 வகையான சிற்றிலக்கியங்கள் பற்றி தெரிந்து கொள்வது அவசியம்.

எனவே, தேர்வு எழுதவிருக்கும் மாணவர்களுக்கு உதவும் வகையில், தமிழ்ச் சான்றோர் ஆகிய திரிகூட ராசப்பக் கவிராயர் எழுதிய சிற்றிலக்கியத்தில் ஒன்றான குற்றால குறவஞ்சி பற்றி எட்டாம் வகுப்பு தமிழ் பாடப்புத்தகத்தில் இடம்பெற்றுள்ள 'இயல் ஆறு - கவிதைப்பேழை: சிங்கி பெற்ற பரிசு' என்ற தலைப்பின் முழுமையான குறிப்புகள், சொல்லும் பொருளும், பாடலின் பொருள், நூல்வெளி மற்றும் மதிப்பீட்டு வினா-விடைகள் கீழே முழுமையாகத் தொகுத்து வழங்கப்பட்டுள்ளன.

TNPSC எழுதுவோர் தெரிந்து கொள்வதற்காக previous year questions and answers, திரிகூட ராசப்ப கவிராயர் பற்றிய வரலாறு, குற்றால குறவஞ்சி நூல் குறித்த தகவல்கள், Free PDF download, மற்றும் படித்ததை நினைவு கூர்ந்து பார்க்க model question அடங்கிய QUIZ உங்களுக்காக இங்கு தொகுக்கப்பட்டுள்ளது.

பாடப் பகுதி: எட்டாம் வகுப்பு தமிழ் - இயல் 6 - கவிதைப்பேழை: சிங்கி பெற்ற பரிசு (திருக்குற்றாலக் குறவஞ்சி).
ஆசிரியர்: திரிகூட ராசப்பக் கவிராயர் (ஊர்: மேலகரம், தென்காசி).

~~📜பாடத்தலைப்புகள் (click here) (toc)~~

குறவஞ்சி

தமிழ் இலக்கியத்தில் 96 வகைச் சிற்றிலக்கியங்களுள் ஒன்று குறவஞ்சி ஆகும். குறவஞ்சி நூல்களுள் தலைசிறந்ததாக விளங்கும் 'திருக்குற்றாலக் குறவஞ்சி' தமிழ் பாடநூலில் மிக முக்கியப் பகுதியாகும்.

குறவஞ்சி இலக்கியங்கள் பல உள; அக்குறவஞ்சிகளுள் சிறந்ததாகக் கூறப்படுவது திருக்குற்றாலக் குறவஞ்சி, திரிகூட மலையின் வளத்தையும், குற்றால நாதர் பெருமையையும், திருக்குற்றாலநாதரைப் பாட்டுடைத் தலைவராகக் கொண்டு பாடப்பட்டது.

வானரங்கள் கனிகொடுத்து மந்தியொடு கொஞ்சும் பாடல் - திருக்குற்றாலக் குறவஞ்சி

திருக்குற்றாலக் குறவஞ்சி - Thirukutrala Kuravanji

நாட்டுப்புற பாடல் வடிவில் அமைந்த இலக்கியம் குற்றாலக் குறவஞ்சி.

குறவர் குலப் பெண்ணொருத்தி, காதல் வயப்பட்ட பெண்ணொருத்திக்கு ஆடிப்பாடிக் குறி சொல்லும் முறையில் பாட்டுடைத் தலைவனாகப் புகழும் முறையில் இவ்விலக்கியம் அமையும். அவள் குறிசொல்லத் தொடங்குமுன் தங்கள் குலதெய்வத்தை வணங்குவாள்; மலைவளம் கூறுவாள்; குலப்பெருமை கூறுவாள்; பின்னர்க் காதல் வயப்பட்ட அப்பெண்ணின் கைபார்த்துக் குறிசொல்லிப் பரிசில் பெற்றுத் தன் இருப்பிடம் மீள்வாள். இத்தகைய இலக்கணத்துக்குட்பட்டுப் பாடப் பெறுவது குறவஞ்சி இலக்கியம் ஆகும்.

திருக்குற்றாலக் குறவஞ்சி தமிழ்நாட்டில் மிகவும் புகழ்பெற்ற நாடக வடிவ சிற்றிலக்கியமாகும்.

இந்நூல் அரங்கேற்றப்பட்ட போது, குற்றாலநாதர் கோவிலில் உள்ள சித்திர சபையில் பொதுமக்கள் முன்னிலையில் பாடப்பட்டது என்ற வரலாற்றுச் சிறப்பும் உண்டு.

இவரது நூல்களுள் திருக்குற்றாலக் குறவஞ்சி 'திரிகூட ராசப்பக் கவிராயரின் கவிதைக் கிரீடம்' என்று போற்றப்படுகிறது. இந்நூலில் இருந்து ஒரு பகுதி நமக்குப் பாடமாகத் தரப்பட்டுள்ளது.

TNPSC Group 4, Group 2 மற்றும் VAO தேர்வுகளுக்குப் பாடநூல் வினாக்கள் மட்டுமின்றி ஆசிரியர் சார்ந்த கூடுதல் வினாக்களும் இங்கிருந்து கேட்கப்படுகின்றன.

திரிகூட ராசப்பக் கவிராயர் ஆசிரியர் குறிப்பு - Thirikuda Rasappa Kavirayar

ஆசிரியர் : திரிகூட ராசப்பக் கவிராயர் (திருக்குற்றாலக் குறவஞ்சியை இயற்றியவர்).

பிறந்த ஊர் : திருக்குற்றாலத்திற்குப் பக்கத்திலுள்ள மேலகரம் என்னும் ஊர்.

காலம் : 18 ஆம் நூற்றாண்டு.

சிறப்புப் பெயர் : 'திருக்குற்றாலநாதர் கோவில் வித்துவான்' என்னும் சிறப்புப் பெயர் பெற்றவர்.

இயற்றிய நூல்கள் : திருக்குற்றாலத் தலபுராணம், திருக்குற்றால மாலை, திருக்குற்றாலக் கோவை , திருக்குற்றாலப் பிள்ளைத்தமிழ், திருக்குற்றால உலா மற்றும் திருக்குற்றாலக் குறவஞ்சி.

சிறப்புப் செய்தி : திருநெல்வேலி மாவட்டம் தென்காசியை அடுத்துள்ள வடகரை பகுதியை ஆண்ட சின்னணஞ்சாத் தேவர் (சின்னச் ஜான் தேவர்) அவர்களின் அவைக்களப் புலவர்களில் ஒருவராகத் திகழ்ந்தவர்.

பல ஊர்களுக்குச் சென்று, குறிசொல்லி பரிசு பெற்று வருகிறாள் சிங்கி. அவள் பெற்று வந்த பரிசுப் பொருள்களைக் கண்டு குழம்புகிறான் சிங்கன். அவன் வினவும் வேடிக்கையான வினாக்களையும் அதற்குச் சிங்கி கூறுகிற விடையையும் அறிவோம், வாருங்கள்!

சிங்கி பெற்ற பரிசு (திரிகூட ராசப்பக் கவிராயர்)- Class 8 Tamil Singi Petra Parisu

சிங்கன்: இத்தனை நாளாக என்னுடன் சொல்லாமல் எங்கே நடந்தாய் நீ சிங்கி? (எங்கே)

சிங்கி: கொந்தார் குழலார்க்கு வித்தாரமாகக் குறிசொல்லப் போனேனடா சிங்கா! (குறிசொல்லப்)

சிங்கன்: பார்க்கில் அதிசயம் தோன்றுது தொலையப் பயமா இருக்குது சிங்கி (பயமா)

சிங்கி: ஆர்க்கும் பயமில்லை தோணின காரியம் அஞ்சாமல் சொல்லடா சிங்கா! (அஞ்சா)

சிங்கன்: காலுக்கு மேலே பெரிய விரிபாம்புக் கடித்துக் கிடமானேன் சிங்கி? (கடித்து)

சிங்கி: சேலத்து நாட்டில் குறிசொல்லிப் பெற்ற சிலம்பு கிடக்குதா சிங்கா! (சிலம்பு)

சிங்கன்: சேலத்தார் இட்ட சிலம்புக்கு மேலே திருகு முறுசுஎண்டி சிங்கா! (திருகு)

சிங்கி: கோலத்து நாட்டார் முறுக்கிட்ட தண்டை கொடுத்த வரிசையடா சிங்கா! (கொடுத்த)

சிங்கன்: நீண்டு குறுகியும் நாங்கூம்பு போல நெளிந்த நெளிவுஎண்டி சிங்கி? (நெளிந்த)

சிங்கன்: பாண்டியர் ணார்மகள் வேண்டும் குறிக்காகப் பாடகம் இட்டடா சிங்கா! (பாடகம்)

சிங்கன்: மாண்ட தவனை உன்காலிலே கட்டிய மார்க்கமேது ஏதுபெண்ணே சிங்கி? (மார்க்க)

சிங்கி: ஆண்டவர் குற்றாலச் சந்திப் பெண்கள் அணிமணிக் கெச்சமடா சிங்கா (அணிமணிக்)

சிங்கன்: கண்டு விரலிலே குண்டலப் பூச்சி சுருண்டு கிடப்பானேன் சிங்கி? (சுருண்டு)

சிங்கி: கண்டிய தேசத்தில் பண்டுநான் பெற்ற காலாழி பீலியடா சிங்கா! (காலாழி)

- திரிகூட ராசப்பக் கவிராயர்

சொல்லும் பொருளும்

கொந்தார் - பூக்கொத்துகளை அணிந்த
குழல் - கூந்தல்
சிலம்பு, பாடகம், கெட்டி, தண்டை - காலில் அணியும் அணிவகைகள்
கோலத்து நாடு - கலிங்க நாடு
நாங்கூம்பு - மண்புழு
மாண்ட - இறந்த
பண்டு - முன்பு
காலாழி - கால் மோதிரம் (மெட்டி)

பாடலின் பொருள்

என்விடம் சொல்லாமல் இத்தனை நாள்கள் எங்கே சென்றாய் சிங்கி? பூக்கொத்துகள் கூடிய கூந்தலையுடைய பெண்களுக்குக் குறிசொல்லப் போனேன் சிங்கா.

உன்னைப் பார்க்கும்பொழுது அதிசயமாக உள்ளது. ஆனால் சொல்ல அச்சமாகவும் உள்ளது சிங்கி. யாருக்கும் பயமில்லை. தோன்றிய கருத்தை அஞ்சாமல் சொல் சிங்கா.

உன் காலின்மேல் பெரிய விரிபாம்பு சுற்றிக் கிடக்கிறதே சிங்கி! சேலத்து நாட்டில் குறிசொல்லி நான் பெற்ற பரிசாகிய சிலம்புதான் அது சிங்கா.

சேலத்தார் அணிவித்த சிலம்புக்கு மேலே திருகு முறுக்காக இருப்பது என்ன சிங்கி? கலிங்க நாட்டார் எனக்குப் பரிசாக அளித்த நிறைந்த தண்டைதான் அது சிங்கா.

நீண்டும் குறுகியும் மண்புழுபோல் தெரிவது என்ன சிங்கி? நான் குறி சொன்னதைக் கேட்டுப் பாண்டியனின் மகள் பரிசாக வழங்கிய பாடகம் என்னும் அணிமகள் அது சிங்கா.

இறந்துபோன தவளையை உன் காலில் கட்டி இருக்கிறாயே, அது ஏன் சிங்கி? இறைவனாகிய குற்றாலநாதரின் கோவில் பெண்கள் எனக்கு அணிவித்த மணிக்கச்சம் என்னும் அணிமகள் அது சிங்கா.

உன் சுண்டு விரலில் குண்டலப் பூச்சி சுருண்டு கிடக்கிறதே, அது ஏன் சிங்கி? முன்பு நான் கண்டிய நாட்டில் பரிசாகப் பெற்ற கால் மோதிரமும் பீலியும் சிங்கா.

மதிப்பீடு - வினா விடைகள் - 8th Standard Tamil Book Back Answers Unit 6

1. மனதில் தோன்றிய கருத்துக்களை ............... பேச வேண்டும்.

அ) அஞ்சி
ஆ) அஞ்சாமல்
இ) அணிகலன்களாக
ஈ) மது மாக

2. முறுக்குகள் நிறைந்த தண்டையைப் பரிசாக அளித்த நாடு ...............

அ) கலிங்க நாடு
ஆ) கண்டிய நாடு
இ) சேலத்து நாடு
ஈ) பாண்டிவ நாடு

3. 'பயமில்லை' என்னும் சொல்லைப் பிரித்து எழுதக் கிடைப்பது ...............

அ) பய + இல்லை
ஆ) பய + மில்லை
இ) பயம் + மில்லை
ஈ) பயம் + இல்லை

4. கால் + ஆழி என்பதனைச் சேர்த்து எழுதக் கிடைக்கும் சொல் ...............

அ) காலிஆழி
ஆ) காலாஆழி
இ) கலாஆழி
ஈ) காலாழி

5. சிங்கிக்குப் பலவகைப் பரிசுப் பொருள்கள் கிடைக்கக் காரணம் ...............

அ) நடனமாடுதல்
ஆ) பாட்டுப் பாடுதல்
இ) குறி சொல்லுதல்
ஈ) மருத்துவம் செய்தல்

பொருத்துக

பொருத்துக வினா	சரியான விடை
1. பாம்பு	சிலம்பு
2. மண்புழு	பாடகம்
3. தவளை	மணிக்கச்சம்
4. குண்டலப் பூச்சி	கால் மோதிரம்

குறுவினா

1. சிங்கிக்குப் பரிசாகக் கிடைத்த அணிகலன்கள் யாவை?

விடை: சிலம்பு, தண்டை, பாடகம், மணிக்கச்சம், கால் மோதிரம் (மெட்டி) மற்றும் பீலி ஆகியவை சிங்கிக்குப் பரிசாகக் கிடைத்தன.

2. சிங்கன் தான் எதனைக் கண்டு அஞ்சுவதாகக் கூறினான்?

விடை: உன்னைப் பார்க்கும்பொழுது அதிசயமாகவும் அச்சமாகவும் உள்ளது என்று சிங்கன் சிங்கியிடம் கூறினான்.

சிறுவினா

1. கலிங்க நாட்டாரும் கண்டிய நாட்டாரும் சிங்கிக்கு வழங்கிய பரிசுகள் யாவை?

விடை:

கலிங்க நாட்டார்: முறுக்கிட்ட தண்டை மற்றும் சிலம்பை வழங்கினர்.
கண்டிய நாட்டார்: கால் மோதிரமும் பீலியும் வழங்கினர்.

சிந்தனை வினா

1. சிங்கனுக்கு அணிகலன்கள் பாம்பு, நாங்கூம்பு, தவளை போன்றவையாகத் தோன்றக் காரணம் யாது?

விடை: சிங்கி அணிந்திருந்த சிலம்பு, பாடகம், மணிக்கச்சம் மற்றும் கால் மோதிரம் போன்ற அழகிய அணிகலன்களைப் பார்த்த சிங்கன், அவனது அறியாமையாலும் வியப்பாலும் அவற்றை முறையே பெரிய விரிபாம்பு, மண்புழு (நாங்கூம்பு), இறந்த தவளை மற்றும் குண்டலப் பூச்சி போலத் தவறாக நினைத்து அஞ்சினான்.

2. சிங்கனும் சிங்கியும் பேசிக்கொண்டதை உரையாடல் வடிவில் எழுதுக.

விடை:

சிங்கன்: இத்தனை நாளாக என்னுடன் சொல்லாமல் எங்கே நடந்தாய் நீ சிங்கி?
சிங்கி: பல ஊர்களுக்குச் சென்று பெண்களுக்குக் குறிசொல்லப் போனேன் சிங்கா!
சிங்கன்: உன் காலில் கிடப்பது என்ன பாம்பு போன்று?
சிங்கி: அது குறிசொல்லி நான் பெற்ற சிலம்பும் தண்டையும் ஆகும்!

கற்பவை கற்றபின்

1. பெண்கள் அணியும் அணிகலன்களின் படங்களைத் திரட்டி படத்தொகுப்பு ஒன்று உருவாக்குக.

விடை: சிலம்பு, தண்டை, பாடகம், மணிக்கச்சம், கால் மோதிரம் (மெட்டி), வளையல், தோடு, கழுத்து மாலை போன்ற பெண்கள் அணியும் பல்வேறு பாரம்பரிய மற்றும் நவீன அணிகலன்களின் படங்களைச் சேகரித்து ஒரு படத்தொகுப்பு (Album / Collage) உருவாக்கலாம்.

2. பின்வரும் குற்றாலக் குறவஞ்சிப் பாடலைப் படித்துச் சுவைக்க.

பாடல்:

"கொல்லிமலை எனக்குளையும் செல்விமலை அம்மே!
கொழுநனுக்குக் காணிமலை பழநிமலை அம்மே!
எல்லுலவும் விந்தைமலை எந்தைமலை அம்மே!
இமயமலை என்னுடைய தலைமைமலை அம்மே!
சொல்வரிய சாமிமலை மாமிமலை அம்மே!
தோழிமலை நாஞ்சிநாட்டு வேள்விமலை அம்மே!
செவ்விளினங்கள் முழுவகொட்ட மயில்வினங்கள் ஆடும்
திரிகூட முலையெங்கள் செல்வமலை அம்மே!"

பொருள் / நயவுரை: குற்றாலமலையின் பெருமையையும், அதன் வளத்தையும், அங்குள்ள பல்வேறு மலைகளின் சிறப்புகளையும் குறத்தி தன் தோழியிடம் வியந்து கூறிச் சுவைக்கும் பாங்க Wயில் இப்பாடல் அமைந்துள்ளது. தமிழ்நாட்டின் இயற்கை வளங்களையும் மலைகளின் சிறப்புகளையும் இந்நமது மரபுவழிப் பாடல்கள் அழகாகப் புலப்படுத்துகின்றன.

📌 TNPSC தேர்வு நோக்கு குறிப்பு

இப்பதிவு 8ஆம் வகுப்பு சமச்சீர் கல்வித் தமிழ் பாடநூலின் அடிப்படையில் TNPSC குரூப் 2, குரூப் 4 மற்றும் VAO தேர்வர்களுக்குத் தேவையான அதிகாரப்பூர்வ தகவல்களைக் கொண்டு மணிமேகலையால் சரிபார்க்கப்பட்டு உருவாக்கப்பட்டுள்ளது.

🎯 சிற்றிலக்கியங்கள் (திருக்குற்றாலக் குறவஞ்சி) - மாதிரித் தேர்வு - Kutrala Kuravanji Questions and Answers

1. "வானரங்கள் கனிகொடுத்து மந்தியொடு கொஞ்சும்" எனும் பாடலைப் பாடியவர் யார்?

💡 விளக்கம்: இப்பாடல் திரிகூடராசப்பக் கவிராயர் இயற்றிய திருக்குற்றாலக் குறவஞ்சி நூலில் இடம்பெற்றுள்ளது.

2. "இருந்தமிழே உன்னால் இருந்தேன் இமையோர் விருந்தமிழ்தம் என்றாலும் வேண்டேன்" எனும் பாடலைப் பாடியவர் யார்?

💡 விளக்கம்: இப்பாடல் தமிழ்விடுதூது நூலில் இடம்பெற்றுள்ளது. இதன் ஆசிரியர் பெயர் அறியப்படவில்லை.

3. சிற்றிலக்கியங்கள் மொத்தம் __________ வகைப்படும்.

💡 விளக்கம்: தமிழ் இலக்கண மரபில் சிற்றிலக்கியங்கள் மொத்தம் 96 வகைப்படும் எனக் கூறப்படுக்கிறது.

4. குறத்தி மலைவளம் கூறுவதாக அமையும் பகுதி இடம் பெறும் நூல் __________ ஆகும்.

💡 விளக்கம்: குறவஞ்சி இலக்கியத்தில் குறத்தி தன் குலப்பெருமையையும் மலைவளத்தையும் கூறி குறிசொல்வது முக்கியப் பகுதியாகும்.

5. திருக்குற்றாலப் பிள்ளைத்தமிழ் எனும் நூலைப் பாடியவர் யார்?

💡 விளக்கம்: திருக்குற்றாலத் தலபுராணம், திருக்குற்றாலப் பிள்ளைத்தமிழ், திருக்குற்றாலக் குறவஞ்சி ஆகிய நூல்களை இயற்றியவர் திரிகூடராசப்பக் கவிராயர்.

6. "குற்றாலத் திரிகூட மலை எங்கள் மலையே" எனும் பாடல் இடம் பெறும் நூல் எது?

💡 விளக்கம்: திருக்குற்றாலக் குறவஞ்சியில் குறத்தி திரிகூட மலையின் சிறப்பைக் கூறும் போது இவ்வரி இடம்பெறுகிறது.

7. திருக்குற்றாலக் குறவஞ்சியை இயற்றியவர் யார்?

💡 விளக்கம்: திருக்குற்றாலக் குறவஞ்சியை இயற்றியவர் 18-ஆம் நூற்றாண்டைச் சேர்ந்த திரிகூடராசப்பக் கவிராயர் ஆவார்.

8. திரிகூடராசப்பக் கவிராயர் பிறந்த ஊர் __________.

💡 விளக்கம்: திரிகூடராசப்பக் கவிராயர் தென்காசிக்கு அருகிலுள்ள மேலகரம் என்னும் ஊரில் பிறந்தவர்.

9. திரிகூடராசப்ப கவிராயர் வாழ்ந்த காலம் __________.

💡 விளக்கம்: திரிகூடராசப்பக் கவிராயர் கி.பி. 18-ஆம் நூற்றாண்டைச் சேர்ந்தவர்.

10. திருக்குற்றாலக் குறவஞ்சியின் பாட்டுடைத் தலைவன் __________ ஆவார்.

💡 விளக்கம்: திருக்குற்றாலக் குறவஞ்சியின் பாட்டுடைத் தலைவன் திருக்குற்றாலநாதர் (சிவபெருமான்) ஆவார்.

Sources & References

அடிக்கடி கேட்கப்படும் வினாக்கள் (FAQ)

Q1. 'சிங்கி பெற்ற பரிசு' எந்த நூலிலிருந்து எடுக்கப்பட்டுள்ளது?

விடை: 'சிங்கி பெற்ற பரிசு' என்னும் பாடப்பகுதி 96 வகைச் சிற்றிலக்கியங்களுள் ஒன்றான 'திருக்குற்றாலக் குறவஞ்சி' நூலிலிருந்து எடுக்கப்பட்டுள்ளது.

Q2. திருக்குற்றாலக் குறவஞ்சியின் ஆசிரியர் யார்?

விடை: திருக்குற்றாலக் குறவஞ்சியை இயற்றியவர் 18-ஆம் நூற்றாண்டைச் சேர்ந்த திரிகூட ராசப்பக் கவிராயர் ஆவார்.

Q3. திருக்குற்றாலக் குறவஞ்சியின் பாட்டுடைத் தலைவன் யார்?

விடை: திருக்குற்றாலக் குறவஞ்சியின் பாட்டுடைத் தலைவன் திருக்குற்றாலநாதர் (சிவபெருமான்) ஆவார்.

Q4. திரிகூட ராசப்பக் கவிராயர் பிறந்த ஊர் எது?

விடை: இவர் திருநெல்வேலி மாவட்டம் தென்காசிக்கு அருகிலுள்ள மேலகரம் என்னும் ஊரில் பிறந்தவர்.